દેશની વિવિધ કંપનીઓના કર્મચારીઓ, વિસ્તારના લોકો માટે કાર્યરત હોસ્પિટલોના ભારતીય વ્યાવસાયિક આરોગ્ય મંડળની 76મી રાષ્ટ્રીય પરિષદ ઓક્યુકોનનો જામનગરમાં આરંભ થયો છે. 10 જાન્યુઆરી સુધી યોજાનારી આ પરિષદ દરમિયાન વ્યાવસાયિક આરોગ્ય સુરક્ષા, સુખાકારીનું મંથન, ભાવિ પડકારોનું માર્ગદર્શન અને ભાવિ ઉકેલોનું ઘડતર અંગે ચર્ચા થશે. આ પરિષદમાં 44 મહેમાન વક્તાઓના સત્રો, પાંચ મુખ્ય પ્રવચનપત્રો, રાષ્ટ્રીય અને આંતરરાષ્ટ્રીય તજજ્ઞો દ્વારા 7 માર્ગદર્શન વક્તવ્યો અને 106 સંશોધનપત્રો રજુ થશે. આ અંગે આયોજક ડૉક્ટર રૂપારેલીયાએ વધુ માહિતી આપી.