દેશના વિવિધ ભાગોમાં આજે દુર્ગા નવમીની ઉજવણી કરવામાં આવી રહી છે. દુર્ગા નવમી, જેને મહા નવમી તરીકે પણ ઓળખવામાં આવે છે, તે નવરાત્રી ઉત્સવનો નવમો અને અંતિમ દિવસ છે. ભક્તો આ દિવસે દેવી દુર્ગાના નવમા અને અંતિમ સ્વરૂપ સિદ્ધિદાત્રીની પૂજા કરે છે. ભક્તો આ દિવસે કન્યા પૂજન કરે છે, દેવી દુર્ગાના આશીર્વાદ અને સમૃદ્ધિ માટે પ્રાર્થના કરે છે.પશ્ચિમ બંગાળમાં મહાનવમી પૂજા આજે સવારે 5:40 વાગ્યે શરૂ થઈ. સમગ્ર પશ્ચિમ બંગાળમાં પૂજા મંડપોમાં સાંજની આરતી અને અન્ય ધાર્મિક વિધિઓ કરવામાં આવશે.