દુબઈમાં આવતીકાલે ભારત અને બાંગ્લાદેશ વચ્ચે અંડર-19 એશિયા કપ ક્રિકેટ ટુર્નામેન્ટની ફાઈનલ રમાશે. આ મેચ ભારતીય સમય પ્રમાણે સવારે સાડા દશ વાગ્યે શરૂ થશે.
અગાઉ ગઈકાલે શારજાહમાં રમાયેલી સેમીફાઈનલમાં ભારતે શ્રીલંકાને 7 વિકેટે હરાવ્યું હતું. 67 રન બનાવનાર વૈભવ સૂર્યવંશીને પ્લેયર ઓફ ધ મેચ જાહેર કરવામાં આવ્યો હતો.
દુબઈમાં રમાયેલી અન્ય એક સેમીફાઈનલમાં બાંગ્લાદેશે પાકિસ્તાનને હરાવી ફાઇનલમાં પ્રવેશ કર્યો હતો. વર્તમાન ચેમ્પિયન બાંગ્લાદેશે ગયા વર્ષે ફાઇનલમાં UAEને હરાવ્યું હતું.