દિલ્હી પોલીસે પાકિસ્તાની ગુપ્તચર એજન્સી ISI સાથે જોડાયેલા આંતરરાષ્ટ્રીય હથિયારોની દાણચોરીના નેટવર્કનો પર્દાફાશ કર્યો છે. આ સંદર્ભમાં ચાર શંકાસ્પદોની ધરપકડ કરવામાં આવી છે.
આ કાર્યવાહીમાં, દિલ્હી પોલીસની ગુનાશોધક શાખાએ દસ અત્યાધુનિક પિસ્તોલ જપ્ત કરી છે, જેમાંથી પાંચ તુર્કીમાં બનેલી હતી અને ત્રણ ચીની બનાવટની હતી. સંયુક્ત પોલીસ કમિશનર સુરેન્દ્ર કુમારે આજે નવી દિલ્હીમાં જણાવ્યું હતું કે આ ગેંગ અત્યાધુનિક વિદેશી પિસ્તોલની દાણચોરી કરવા માટે પાકિસ્તાનથી ડ્રોનનો ઉપયોગ કરતી હતી.