દિલ્હી પોલીસે છેલ્લા એક વર્ષમાં રાષ્ટ્રીય રાજધાનીમાં માન્ય વિઝા વિના ગેરકાયદેસર રીતે રહેતા 548 વિદેશી નાગરિકોની ઓળખ કરી છે. આઉટર ડિસ્ટ્રિક્ટના ડેપ્યુટી કમિશનર ઓફ પોલીસ સચિન શર્માએ માહિતી આપી હતી કે ઓળખાયેલા તમામ વિદેશી નાગરિકોને દેશનિકાલ માટે મોકલવામાં આવ્યા છે.
તેમણે જણાવ્યું હતું કે, સૌથી વધુ 380 દેશનિકાલ કરાયેલા લોકો બાંગ્લાદેશના છે, ત્યારબાદ 111 નાઇજીરીયાના અને 13 ઘાનાના છે. શ્રી શર્માએ જણાવ્યું હતું કે આ કાર્યવાહી સુરક્ષા સુનિશ્ચિત કરવા અને જિલ્લામાં અનધિકૃત હાજરીને રોકવા માટે સતત અભિયાનનો એક ભાગ છે.
તેમણે ઉમેર્યું હતું કે ધરપકડ બાદ, વિદેશી નાગરિકોને વિદેશી પ્રાદેશિક નોંધણી કાર્યાલય સમક્ષ રજૂ કરવામાં આવ્યા હતા અને ત્યારબાદ દેશનિકાલ પ્રક્રિયાઓ માટે અટકાયત કેન્દ્રોમાં મોકલવામાં આવ્યા હતા.