દિલ્હીના મુખ્યમંત્રી રેખા ગુપ્તાએ ગઈકાલે પ્રધાનમંત્રી નરેન્દ્ર મોદી સાથે મુલાકાત કરી તેમને દિવાળીની શુભકામનાઓ પાઠવી.
સુશ્રી ગુપ્તાએ પ્રધાનમંત્રીને દિલ્હીમાં વિકાસ પહેલ, સ્વચ્છ યમુના અભિયાન અને આગામી છઠ પૂજા માટેની તૈયારીઓ વિશે માહિતી આપી હતી. મુખ્યમંત્રીએ શ્રી મોદીને યમુનાને પુનર્જીવિત કરવાના દિલ્હી સરકારના પ્રયાસો વિશે માહિતી આપી હતી.. તેમણે કહ્યું કે યમુનાના કિનારે ગ્રીન બેલ્ટ વિકસાવવામાં આવી રહ્યા છે અને કચરો નદીમાં ફેંકાતો અટકાવવા માટે પગલાં લેવામાં આવી રહ્યા છે.
છઠ ઉત્સવ અંગે, તમામ તૈયારીઓ કરવામાં આવી રહી છે યમુનાના બંને કિનારે ખાસ ઘાટ બનાવવામાં આવી રહ્યા છે, જેમાં લાઇટિંગ, પીવાનું પાણી, સ્વચ્છતા, તબીબી સહાય અને સુરક્ષાનો સમાવેશ થાય છે. અધિકારીઓ ઘાટોની સ્વચ્છતા અને પાણીની ગુણવત્તા પર નજર રાખી રહ્યા છે .
દિલ્હીના મુખ્યમંત્રીએ પ્રધાનમંત્રી મોદીને નવા ફ્લાયઓવર, અંડરપાસ, સુધારેલા જાહેર પરિવહન, અપગ્રેડેડ શાળાઓ અને વિસ્તૃત આરોગ્યસંભાળ સુવિધાઓ સહિત ચાલી રહેલી કલ્યાણકારી યોજનાઓ અને માળખાગત પ્રોજેક્ટ્સ વિશે પણ માહિતી આપી. તેમણે જણાવ્યું હતું કે દિલ્હી સરકાર એક આધુનિક, સ્વચ્છ અને નાગરિક-મૈત્રીપૂર્ણ રાજધાની બનાવવા માટે કામ કરી રહી છે, જે વિકસિત દિલ્હીનું નિર્માણ કરશે.