ઝારખંડ અને મહારાષ્ટ્ર વિધાનસભાની ચૂંટણી માટે સવારે સાત વાગ્યે મતદાન શરૂ થયું છે. પ્રથમ ચાર કલાકમાં મહારાષ્ટ્રમાં 18.14 ટકા અને ઝારખંડમાં 31.37 ટકા મતદાન થયું છે. મહારાષ્ટ્રની તમામ 288 બેઠકો માટે એક જ તબક્કામાં ચૂંટણી યોજાઈ રહી છે. મતદાન સાંજે 6 વાગ્યે સમાપ્ત થશે. ચૂંટણીમાં કુલ ચાર હજાર એકસો ૩૬ ઉમેદવારો મેદાનમાં છે જેમાં બે હજાર ૮૬ અપક્ષ ઉમેદવારોનો સમાવેશ થાય છે. મહારાષ્ટ્રના મુખ્ય ચૂંટણી અધિકારી એસ. ચોક્કલિંગમે કહ્યું કે રાજ્યમાં લગભગ પાંચ લાખ ચૂંટણી કાર્યકરો એક લાખ ચારસો ૨૭ મતદાન મથકોની વ્યવસ્થાનું ધ્યાન રાખશે.
ઝારખંડમાં 38 બેઠકો પર બીજા અને અંતિમ તબક્કા માટેનું મતદાન ચાલી રહ્યું છે. કેટલાક સંવેદનશીલ મતદાન મથકો પર, મતદાન માત્ર 4 વાગ્યે સમાપ્ત થશે. આ તબક્કામાં પાંચસો ૨૮ ઉમેદવારો મેદાનમાં છે.
આ ઉપરાંત મહારાષ્ટ્રના નાંદેડ સંસદીય ક્ષેત્ર અને પંજાબ, ઉત્તર પ્રદેશ, કેરળ અને ઉત્તરાખંડની કુલ ૧૫ વિધાનસભા બેઠકો માટે પણ આજે પેટાચૂંટણી યોજાઈ રહી છે. તમામ રાજ્યોની મતગણતરી આ શનિવારે થશે.
ઝારખંડમાં આજે જે ખાસ ઉમેદવારોના રાજકીય ભાવિનો નિર્ણય થશે તેમાં – મુખ્ય મંત્રી હેમંત સોરેન, પ્રમુખ રવીન્દ્ર નાથ મહતો, ભાજપ રાજ્ય શાખાના પ્રમુખ બાબુલાલ મરાંડી, વિપક્ષના નેતા અમરનાથ કુમાર બૌરીનો સમાવેશ થાય છે.
પ્રધાનમંત્રી નરેન્દ્ર મોદી અને ગૃહ મંત્રી અમિત શાહ અને કોંગ્રેસના નેતા રાહુલ ગાંધીએ લોકોને મતદાન કરવા અપીલ કરી છે.