જમ્મુ-કાશ્મીરમાં શોપિયાં જિલ્લામાં શુકરુ કેલર જંગલ વિસ્તારમાં આજે સવારે સુરક્ષા દળો અને આતંકવાદીઓ વચ્ચે અથડામણ થઈ હતી. મળતી માહિતી મુજબ, આ અથડામણમાં ત્રણ આતંકી ઠાર મરાયા છે. હાલમાં આ વિસ્તારમાં તપાસ અભિયાન ચાલી રહ્યું છે. આ પહેલા પોલીસ, સેના અને કેન્દ્રીય અનામત પોલીસ દળ- CRPFના સંયુક્ત દળે આ વિસ્તારમાં આતંકવાદીઓ છૂપાયા હોવાની માહિતી મળતા તપાસ અભિયાન અને ઘેરાબંધી શરૂ કરી હતી.
સંયુક્ત દળ શંકાસ્પદ સ્થળ પર પહોંચતાં જ તરત છૂપાયેલા આતંકવાદીઓએ તેમની પર ગોળીબાર શરૂ કરી દેતા અથડામણ શરૂ થઈ હતી. આ અંગે વધુ વિગતોની રાહ જોવાઈ રહી છે.