એક મોટી સફળતામાં, જમ્મુ અને કાશ્મીર અને હરિયાણા પોલીસની એક ટુકડીએ સંયુક્ત રીતે હરિયાણાના ફરીદાબાદમાંથી વિસ્ફોટકો, શસ્ત્રો અને દારૂગોળા નો મોટો જથ્થો જપ્ત કર્યો છે. આજે પત્રકારોને માહિતી આપતા, ફરીદાબાદ પોલીસ કમિશનર સતેન્દર કુમાર ગુપ્તાએ જણાવ્યું હતું કે, આ હરિયાણા પોલીસ અને જમ્મુ અને કાશ્મીર પોલીસ વચ્ચે ચાલી રહેલી સંયુક્ત કાર્યવાહી છે અને એક આરોપી ડૉ. મુઝમ્મિલને પકડી લેવામાં આવ્યો છે.

તેમણે કહ્યું કે એક એસોલ્ટ રાઇફલ, ત્રણ મેગેઝિન અને 83 કારતૂસ, આઠ કારતૂસ સાથે એક પિસ્તોલ, બે ખાલી કારતૂસ, બે ફાજલ મેગેઝિન, 8 મોટા સુટકેસ, 4 નાના સુટકેસ અને લગભગ 360 કિલો જ્વલનશીલ સામગ્રીવાળી એક ડોલ જપ્ત કરવામાં આવી છે.

શ્રીનગરમાં આતંકવાદી સંગઠન જૈશ-એ-મોહમ્મદને સમર્થન આપતા પોસ્ટરો લગાવવાના આરોપમાં પોલીસે ઉત્તર પ્રદેશના સહારનપુરથી એક કાશ્મીરી ડૉક્ટરની ધરપકડ કર્યાના થોડા દિવસો બાદ જ મોટા પાયે શસ્ત્રો જપ્ત કરવામાં આવ્યા.