ચૂંટણી પંચે તૃણમૂલ કોંગ્રેસની SIR અંગેની આશંકાનું ખંડન કરતા TMC પ્રતિનિધિમંડળ દ્વારા લગાવાયેલા આરોપોને પાયાવિહોણા ગણાવ્યા છે. પશ્ચિમ બંગાળમાં મતદાર યાદીના ચાલી રહેલી SIR કામગીરી અંગે રાજ્યસભા સાંસદ ડેરેક ઓ’બ્રાયનના નેતૃત્વમાં 10 સભ્યોનું પ્રતિનિધિમંડળ ગઈકાલે નવી દિલ્હીમાં ચૂંટણી પંચને મળ્યું હતું. પંચે પ્રતિનિધિમંડળને નવ ડિસેમ્બર પછી દાવા અને વાંધા રજૂ કરવા કહ્યું હતું. પંચે કહ્યું કે, રાજકીય પક્ષે બૂથ લેવલ અધિકારીઓ, ચૂંટણી નોંધણી અધિકારીઓ અને જિલ્લા ચૂંટણી અધિકારીઓની સ્વતંત્ર કામગીરીમાં દખલ ન કરવી જોઈએ.