જગદીપ ધનખડના રાજીનામા બાદ, ચૂંટણી પંચે ઉપરાષ્ટ્રપતિ પદ માટે ચૂંટણી પ્રક્રિયા શરૂ કરી છે. ગૃહ મંત્રાલયે ગઈકાલે શ્રી ધનખડના રાજીનામાની માહિતી આપ્યા બાદ આ પ્રક્રિયા શરૂ થઈ. સોમવારે, શ્રી જગદીપ ધનખડએ સ્વાસ્થ્યના કારણોસર પદ પરથી રાજીનામું આપ્યું હતું.
પ્રારંભિક પ્રવૃત્તિઓ પૂર્ણ થયા પછી, ચૂંટણી પંચ ઉપરાષ્ટ્રપતિ પદ માટે ચૂંટણી સમયપત્રકની જાહેરાત કરશે. જાહેરાત પહેલા શરૂ થયેલી મુખ્ય પ્રવૃત્તિઓમાં મતદાર મંડળની તૈયારીનો સમાવેશ થાય છે, જેમાં રાજ્યસભા અને લોકસભાના ચૂંટાયેલા અને નિમાયેલા સભ્યોનો સમાવેશ થાય છે.
ભારતીય બંધારણના અનુચ્છેદ-324 હેઠળ, ચૂંટણી પંચને ઉપરાષ્ટ્રપતિ પદ માટે ચૂંટણીઓ યોજવાનો અધિકાર છે. ઉપરાષ્ટ્રપતિ પદ માટેની ચૂંટણી રાષ્ટ્રપતિ અને ઉપરાષ્ટ્રપતિ ચૂંટણી અધિનિયમ, 1952 અને રાષ્ટ્રપતિ અને ઉપરાષ્ટ્રપતિ ચૂંટણી નિયમો, 1974 ના નિયમો દ્વારા હાથ ધરવામાં આવે છે.