ચીનમાં મંગળવારથી શરૂ થનારી 15 અને 17 વર્ષથી ઓછી વયના બેડમિન્ટન ખેલાડીઓની ચેમ્પિયનશિપ માટે ભારતે 39 ખેલાડીઓની ટીમ મોકલી છે.
શ્યામ બિંદીગનવિલે અંડર-17 કેટેગરીમાં આ ટીમનું નેતૃત્વ કરી રહ્યો છે, જ્યારે તન્વી પાત્રી અંડર-15 કેટેગરીમાં ટીમનું નેતૃત્વ કરી રહી છે. શાઈના મનિમુથુ અંડર-17 સિંગલ્સ ઉપરાંત આઈક્યા શેટ્ટી સાથે ડબલ્સ પણ રમશે.
ટીમનો ધ્યેય બહુવિધ મેડલ જીતવા અને 2025 વિશ્વ જુનિયર ચેમ્પિયનશિપ માટે મજબૂત પાયો બનાવવાનો છે. ગયા વર્ષે ચીનમાં યોજાયેલી આ ચેમ્પિયનશિપમાં ભારતે એક-એક સુવર્ણ, રજત અને કાંસ્ય ચંદ્રક જીત્યો હતો. ઉલ્લેખનીય છે કે ભારત આવતા વર્ષે જુનિયર વિશ્વ ચેમ્પિયનશિપનું આયોજન કરશે.