ચીનના નિંગબો ખાતે ભારતના ધ્રુવ કપિલા અને તનિષા ક્રેસ્ટોએ એશિયા ચેમ્પિયનશિપ બૅડમિન્ટન ટૂર્નામૅન્ટમાં મિક્સ્ડ ડબલ્સના ક્વાર્ટર ફાઈનલમાં પ્રવેશ કર્યો છે. પ્રિ-ક્વાર્ટર ફાઈનલમાં ભારતીય જોડીએ ચીની તાઈપેના હૉન્ગ વૅઈ યે અને નિકૉલ ગૉન્ઝાલેસ ચૈનને 12—21, 21—16, 21—18થી પરાજય આપ્યો હતો.
દરમિયાન અશિથ સૂર્યા અને અમૃતા પ્રમુથેશની જોડી પ્રિ-ક્વાર્ટર ફાઈનલમાં પરાજયનો સામનો કરી ટૂર્નામૅન્ટમાંથી બહાર થઈ ગઈ છે. ચીનના વૅઈ યાક્સિન અને જિયાન્ગ જેનબૅન્ગે, સૂર્યા અને પ્રમુથેશની જોડીને 11—21, 14—21થી પરાજય આપ્યો હતો.
જ્યારે મહિલા સિંગલ્સમાં પી.વી. સિન્ધુનો બીજા તબક્કામાં જાપાનનાં અકાને યામાગુચી સામે 11—21, 21—16 અને 16—21થી પરાજય થયો હતો. આ ઉપરાંત પુરુષ સિંગલ્સ પ્રિ-ક્વાર્ટર ફાઈનલમાં કિરણ જ્યૉર્જ, થાઈલૅન્ડના કુનલાવુત વિટિડસાર્ન સામે 21—19, 13—21, 16—21થી હારી ગયા હતા. તો અન્ય ભારતીય પ્રિયાંશુ રાજાવત પણ જાપાનના કોડાઈ નારાઓકા સામે 14—21, 17—21થી હારી જતા ટૂર્નામૅન્ટમાંથી બહાર થઈ ગયા છે.