ચીનના હોતાન પ્રાંતમાં નવા કાઉન્ટીની રચના અંગે ભારતે રાજદ્વારી માધ્યમો દ્વારા વિરોધ નોંધાવ્યો છે. લોકસભામાં એક લેખિત જવાબમાં, વિદેશ રાજ્ય મંત્રી કીર્તિ વર્ધન સિંહે જણાવ્યું હતું કે આ કહેવાતા કાઉન્ટીઓના અધિકારક્ષેત્રના કેટલાક ભાગો ભારતના લદ્દાખમાં આવે છે. ભારતે ક્યારેય આ ક્ષેત્રમાં તેના પ્રદેશ પર ગેરકાયદેસર ચીની કબજો સ્વીકાર્યો નથી. નવા કાઉન્ટીની રચનાથી આ પ્રદેશ પર ભારતના લાંબા સમયથી ચાલતા અને સુસંગત સ્થાન પર કોઈ અસર પડશે નહીં.
શ્રી સિંહે કહ્યું કે સરકાર જાણે છે કે ચીન સરહદી વિસ્તારોમાં માળખાગત સુવિધાઓ વિકસાવી રહ્યું છે. સરકાર સરહદી વિસ્તારોના વિકાસ માટે માળખાગત સુવિધાઓ સુધારવા પર વિશેષ ધ્યાન આપે છે.