ચક્રવાતી વાવાઝોડું દિતવાહ તમિલનાડુ-પુડુચેરી દરિયાકાંઠાની નજીક આગળ વધી રહ્યું છે. જેના કારણે ગઈકાલ રાતથી પુડુચેરી અને કરાઈકલમાં હળવોથી મધ્યમ વરસાદ થઈ રહ્યો છે. આજે સવારે સાડા આઠ વાગ્યા સુધીમાં પુડુચેરીમાં 7.53 સેમી જ્યારે કરાઈકલમાં 19.1 સેમી વરસાદ નોંધાયો છે.
હવામાન વિભાગના જણાવ્યા પ્રમાણે ચક્રવાત ઉત્તર તરફ આગળ વધવાનું ચાલુ રાખે તેવી શક્યતા છે આને આગામી 24 કલાક દરમિયાન ઉત્તર તમિલનાડુ-પુડુચેરી દરિયાકાંઠાની સમાંતર રહેશે.
વિભાગે આ વાવાઝોડું આજે બપોર સુધીમાં દરિયાકાંઠાથી 70 કિમી નજીક અને આજે સાંજ સુધીમાં લગભગ 30 કિમી નજીક આવવાની શક્યતા દર્શાવી છે. જો કે તે જમીન પર નહીં આવે. પુડુચેરી અને કરાઈકલમાં અધિકારીઓ સતર્ક છે. ભારે પવન આને વરસાદ હોવાના કારણે માછીમારોને દરિયામાં ન જવાની સલાહ આપવામાં આવી છે.