ગૃહ રાજ્યમંત્રી હર્ષ સંઘવીની ઉપસ્થિતિમાં આજે ભરૂચમાં 381 કરોડ રૂપિયાથી વધુની કિંમતના કેફી પદાર્થના જથ્થાનો નાશ કરાયો. રાજ્ય પોલીસે કબજે કરેલા આઠ હજાર કિલોથી વધુના આ કેફી પદાર્થનો દહેજ ખાતે વૈજ્ઞાનિક ઢબે નિકાલ કરાયો છે. આ પ્રસંગે શ્રી સંખવીએ કેફી પદાર્થ વિરોધી કાર્યદળ- A.N.T.F.નો વિધિવત્ પ્રારંભ કરાવ્યો. આ દળનું મુખ્યમથક ગાંધીનગરમાં અને છ પ્રાદેશિક કચેરી હશે.
દરમિયાન રાજ્ય સરકારની રિવોર્ડ પૉલિસી હેઠળ સાત મોટા કેસમાં સફળતાપૂર્વક કામગીરી કરનારા 92 પોલીસ જવાનને 29 લાખ 67 હજાર રૂપિયાની ઈનામની રકમ અર્પણ કરી તેમનું સન્માન કરાયું.