ગૃહમંત્રી અમિત શાહે ગઈકાલે ગુજરાતના ગાંધીનગરમાં માહિતી અને પુસ્તકાલય નેટવર્ક સેન્ટરની મુલાકાત લીધી હતી. સોશિયલ મીડિયા પોસ્ટમાં તેમણે કહ્યું હતું કે આ કેન્દ્ર પુસ્તકાલયોને અત્યાધુનિક ટેકનોલોજી સાથે જોડીને તેમાં સુધારો કરી રહ્યું છે. શ્રી શાહે સસ્તુ સાહિત્ય વર્ધક કાર્યાલય એપ પણ લોન્ચ કરી હતી. પુસ્તકપ્રેમીઓ આ એપમાંથી તેમના મનપસંદ પુસ્તકો મેળવી શકશે.દરમિયાન શ્રી શાહે વિકાસ કાર્યો નિર્દિષ્ટ સમય મર્યાદામાં પુરા થાય તેવી અધિકારીઓને સૂચના આપી હતી. અમિત શાહના અધ્યક્ષ સ્થાને ડિસ્ટ્રિક્ટ ડેવલોપમેન્ટ કોર્ડીનેશન એન્ડ મોનિટરિંગ કમિટી,દિશાની યોજાયેલી બેઠકમાં કેન્દ્ર સરકારની વિવિધ કલ્યાણકારી યોજનાઓ છેવાડાના માનવી સુધી પહોંચે તેની તકેદારી રાખવા પણ શ્રી શાહે સૂચના આપી હતી.શ્રી શાહે આ બેઠકમાં ગાધીનગર જિલ્લામાં કાર્યરત વિકાસ કાર્યોની પ્રગતિ અને કેન્દ્ર સરકારની વિવિધ યોજનાઓના વ્યાપ અંગે વિસ્તૃત સમીક્ષા કરી હતી. પ્રધાનમંત્રી જનઘન યોજના, પ્રધાનમંત્રી સુરક્ષા બીમા યોજના, પ્રધાનમંત્રી જીવન જયોત બીમા યોજના, અટલ પેન્શન યોજના સહિતની કલ્યાણકારી યોજનાઓમાં કામગીરી બાબતે ચર્ચા વિચારણા કરવામાં આવી હતી. શ્રી શાહ આજે ગોધરા અને સાણંદમાં વિવિધ કાર્યક્રમોમાં ઉપસ્થિત રહેશે.