ગુજરાત વિધાનસભામાં પૉડિઅમ ખાતે બંધારણ દિવસ નિમિત્તે વિધાનસભા અધ્યક્ષ શંકર ચૌધરીની અધ્યક્ષતામાં બંધારણનું પૂજન અને આમુખનું વાંચન કરાયું. રાજ્ય મંત્રીમંડળના સભ્યો સહિત ઉપસ્થિત તમામ લોકોએ બંધારણના આમુખનું સામૂહિક વાંચન કર્યું.
આ પ્રસંગે શ્રી ચૌધરીએ કહ્યું, ભારતનું બંધારણ વિશ્વનું સૌથી મોટું લેખિત બંધારણ છે. તે દેશને આઝાદી અપાવનારા સ્વાતંત્ર્ય સેનાનીઓની મહેનતનું અર્ક છે. સાથે જ તેમણે બંધારણને ધર્મગ્રંથ પણ ગણાવ્યો.