ગુજરાત રાજ્ય બાસ્કેટબોલ એસોસિએશન દ્વારા ગુજરાત સ્ટેટ જૂનિયર બાસ્કેટબોલ ચેમ્પિયનશીપ 2025-26માં ભાવનગરની બોયઝ અને ગર્લ્સ બંને ટીમો વિજેતા બની છે. ભુજમાં પશ્ચિમ કચ્છ પોલીસ અને કચ્છ જિલ્લા બાસ્કેટબોલ એસોસિએશનના સહયોગથી ગુજરાત રાજ્ય બાસ્કેટબોલ એસોસિએશન દ્વારા આ સ્પર્ધાનું આયોજન કરાયું હતું. સમગ્ર રાજ્યમાંથી 16 બોયઝ અને ૧૦ ગર્લ્સની ટીમ સહિત કુલ 26 ટીમો આ સ્પર્ધામાં સામેલ થઈ હતી.ભુજ શહેરના સેડાતા રોડ ઉપર આવેલા સૂર્યા વરસાણીના ગ્રાઉન્ડ ખાતે ગુજરાત સ્ટેટ જૂનિયર બાસ્કેટબોલ ચેમ્પિયનશિપના પ્રારંભ સમયે કચ્છ જિલ્લા બાસ્કેટબોલ ઓસોસિએશનનાં હોદ્દેદારો સહીત અગ્રણીઓ ઉપસ્થિત રહ્યા હતા.