અત્યાર સુધી કુલ 38 હજાર 219 મેગાવોટની સ્થાપિત ક્ષમતા સાથે, ગુજરાત દેશમાં પુનઃપ્રાપ્ય ઉર્જા ક્ષેત્રમાં પહેલા ક્રમે છે. તેમાં સૌથી મોટો હિસ્સો સૌર ઉર્જાનો 21 હજાર 904 મેગાવોટ છે.
રાજ્યસભામાં સાંસદ પરિમલ નથવાણીના પ્રશ્નના જવાબમાં કેન્દ્રીય ન્યૂ એન્ડ પુનઃપ્રાપ્ય ઉર્જા અને પાવર રાજ્યમંત્રી શ્રીપદ યેસ્સો નાઈકે આ માહિતી આપી. તેમણે જણાવ્યુ કે રાજ્યમાં 2 લાખ 20 હજાર 504 મેગાવોટ વધુ પુનઃપ્રાપ્ય ઉર્જા ઉત્પાદનની સંભાવના છે, જેમાં સૌથી વધુ સંભાવના 1 લાખ 80 હજાર 790 મેગાવોટ પવન ઉર્જાની, ત્યારબાદ 35 હજાર 770 મેગાવોટ સૌર ઉર્જાની છે. છેલ્લા ત્રણ વર્ષમાં પુનઃપ્રાપ્ય ઉર્જા ક્ષેત્રે વીજ ઉત્પાદન મામલે ગુજરાત બીજા ક્રમે છે.