વર્ષ 2023ની ફિલ્મો માટે 71મા રાષ્ટ્રીય પુરસ્કારની આજે જાહેરાત કરવામાં આવી. જેમાં ગુજરાતી અભિનેત્રી જાનકી બોડીવાલાને ગુજરાતી ફિલ્મ ‘વશ’ માટે શ્રેષ્ઠ સહાયક અભિનેત્રીનો પુરસ્કાર જાહેર થયો છે. આ જ શ્રેણીમાં મલયાલમ ફિલ્મ ‘ઉલોઝોકુ’ માટે અભિનેત્રી ઉર્વશીને શ્રેષ્ઠ સહાયક અભિનેત્રી પુરસ્કારની જાહેરાત થઇ છે. વર્ષ 2023માં આવેલી ફિલ્મ ‘વશ’માં જાનકી બોડીવાલા સાથે અભિનેતા હિતેન કુમાર પણ હતા. કૃષ્ણદેવ યાજ્ઞિક દ્વારા આ ફિલ્મનું દિગ્દર્શન કરવામાં આવ્યું હતું.
અભિનેતા શાહરૂખ ખાનને ફિલ્મ “જવાન” માટે અને વિક્રાંત મેસીને “12TH fail” માટે શ્રેષ્ઠ અભિનેતા શ્રેણીમાં રાષ્ટ્રીય ફિલ્મ પુરસ્કારો મળ્યા છે. રાની મુખર્જીને “મિસિસ ચેટર્જી V/s નોર્વે ” માટે શ્રેષ્ઠ અભિનેત્રીનો પુરસ્કાર આપવામાં આવ્યો છે. જ્યારે કટહલ – અ જેકફ્રૂટ મિસ્ટ્રીને શ્રેષ્ઠ હિન્દી ફિલ્મનો પુરસ્કારની જાહેરાત થઇ છે.