ગીરસોમનાથ જિલ્લાના કોડીનારના ખનીજચોરો સામે કડક કાર્યવાહી કરી તેમને 75 કરોડ 23 લાખ રૂપિયાનો દંડ કરાયો છે. ગીરસોમનાથના અમારા પ્રતિનિધિ રાજેશ ભજગોતર જણાવે છે, મહેસૂલ વિભાગ અને ખાણ ખનીજ કચેરીની સંયુક્ત ટુકડીએ 14 લાખ 93 હજાર 126 મેટ્રિક ટન લાઈમસ્ટૉનની ખનીજચોરી બદલ આ દંડ કર્યો છે.
કોડિનાર તાલુકામાંથી ત્રણ લાખ 7 હજાર 533 મેટ્રિક ટન, પાંચ લાખ 40 હજાર 562 મેટ્રિક ટન અને ત્રણ લાખ 12 હજાર 924 મેટ્રિક ટન, ત્રણ લાખ 32 હજાર 107 મેટ્રિક ટન ગેરકાયદેસર ખનીજચોરી પકડવામાં આવી છે. આ તમામની દંડની રકમ વસૂલવા અંગે તંત્ર દ્વારા કાયદેસરની કાર્યવાહી હાથ ધરવામાં આવી છે.