શિક્ષણ રાજ્યમંત્રી પ્રફુલ પાનશેરીયાએ અનુભવ આધારિત શિક્ષણને મહત્વનું ગણાવ્યું છે. ગાંધીનગર ખાતે બાળ સાહિત્ય વિષય પર એક દિવસીય ‘આંતરરાષ્ટ્રીય પરિસંવાદ’ની અધ્યક્ષતા કરતાં શ્રી પાનશેરીયાએ આમ જણાવ્યું હતું.
આ પરિસંવાદમાં ઈંગ્લેન્ડ, અમેરિકા, નેપાળ, પોલેન્ડ જેવા દેશની યુનિવર્સિટીના પ્રોફેસરોએ વર્ચ્યુઅલ માધ્યમથી જોડાઈને પોતાના દેશની સંસ્કૃતિ અને બાળ સાહિત્ય શિક્ષણ અંગે ચર્ચા કરાઇ હતી.
આ પ્રસંગે શ્રી પાનશેરીયાએ રાષ્ટ્રીય શિક્ષણ નીતિ 2020ના અમલમાં સહાયક 11 બાળકેન્દ્રી પુસ્તકો, શિશુ સંગોપન તેમજ પ્લે-પ્રેક્ટિસ- પરસ્યુ પુસ્તકોનું વિમોચન કર્યું હતું. આ પરિસંવાદ કાર્યક્રમમાં 150 થી વધારે સંશોધકોએ ભાગ લીધો હતો.