રાજયભરમાં ગઇકાલે ધનતેરસની ઉજવણી બાદ આજે કાળી ચૌદસે મહુડીના ઘંટાકર્ણ મહાવીર સહિત રાજ્યના વિવિધ મંદિરોમાં આજે વિશેષ પૂજન અને હવન કરાશે.આજે મહકાળી મા, ભૈરવનાથ, હનુમાનથજી, ઘંટાકર્ણ મહાવીર તેમજ સમસ્ત રક્ષક દેવોની આરાધના-ઉપાસના કરવાનો દિવસ છે. મહુડી જૈન મંદિર ખાતે આજે વિશેષ હવન-જાપનું આયોજન કરાયું છે.ગઇકાલે રાજયભરમાં ધનતેરસની ઉજવણી કરાઇ. પંચમહાલના ગોધરામાં સોનીવાડ વિસ્તારમાં ધનતેરસ પર્વે સોના-ચાંદીની ખરીદી માટે લોકો ઉમટી પડ્યા હતા. કચ્છના ભુજમાં સ્મૃતિવન ખાતે ગઈકાલે ધનતેરસ નિમિત્તે 51 હજાર દીવડા પ્રગટાવી દીપોત્સવ ઉજવાયો.