બર્મિંગહામના એજબેસ્ટન ખાતે યજમાન ઇંગ્લેન્ડ સાથેની બીજી ક્રિકેટ ટેસ્ટ મેચના ચોથા દિવસે ભારત બીજી ઇનિંગ એક વિકેટે 64 રનથી આગળ રમશે. પ્રથમ ઇનિંગના આધારે ભારતની કુલ લીડ 244 રન થઈ ગઈ છે. કેએલ રાહુલ 28 રન અને કરુણ નાયર 7 રન સાથે રમતમાં છે. મેચ બપોરે સાડા ત્રણ વાગ્યે શરૂ થશે.આ પહેલા ભારતીય ફાસ્ટ બોલર મોહમ્મદ સિરાજે છ વિકેટ લીધી હતી જ્યારે આકાશ દીપે ચાર વિકેટ લીધી હતી. જેના કારણે ઇંગ્લેન્ડે પ્રથમ ઇનિંગમાં 407 રન બનાવ્યા હતા. ઇંગ્લેન્ડ તરફથી જેમી સ્મિથે 184 રન અને હેરી બ્રુકે 158 રન બનાવ્યા હતા. ભારતે પોતાની પહેલી ઇનિંગમાં 587 રનનો વિશાળ સ્કોર બનાવ્યો હતો.