કેન્દ્ર સરકારે રાષ્ટ્રીય ધોરીમાર્ગો પર ટોલ પ્લાઝા પર ઉપયોગકર્તા ફી ચુકવણીને મજબૂત બનાવવા માટે કેન્દ્રીય મોટર વ્હીકલ (બીજો સુધારો) નિયમો, 2026ને સૂચિત કર્યા છે. આ સુધારાઓનો ઉદ્દેશ્ય ઇલેક્ટ્રોનિક ટોલ કલેક્શનની કાર્યક્ષમતા વધારવા અને રાષ્ટ્રીય ધોરીમાર્ગો પર ઉપયોગકર્તા ફી ચોરીને રોકવાનો છે. માર્ગ પરિવહન અને ધોરીમાર્ગ મંત્રાલયે જણાવ્યું કે, આ સુધારાઓ NHAIને દેશભરમાં રાષ્ટ્રીય ધોરીમાર્ગ નેટવર્કના સતત વિકાસ અને જાળવણી માટે પારદર્શક અને ટેકનોલોજી-આધારિત ટોલિંગ સિસ્ટમ્સને પ્રોત્સાહન આપવામાં મદદ કરશે. આ નિયમોની જોગવાઈઓ અનુસાર, એક રાજ્યથી બીજા રાજ્યમાં વાહન ટ્રાન્સફર માટે જ્યાં સુધી વપરાશકર્તા ફી ચૂકવવામાં ન આવે ત્યાં સુધી નો-ઓબ્જેક્શન સર્ટિફિકેટ, NOC, આપવામાં આવશે નહીં.