કેન્દ્રીય રેલવે મંત્રી અશ્વિની વૈષ્ણવની અધ્યક્ષતામાં આજે વડોદરાની ગતિ શક્તિ વિશ્વવિદ્યાલયના ત્રીજા પદવીદાન સમારોહ યોજાશે. કાર્યક્રમમાં સંરક્ષણ મંત્રી રાજનાથસિંહ મુખ્ય અતિથિ તરીકે વર્ચ્યુઅલી જોડાશે.વધુ માહિતી આપતા ગતિશક્તિ વિશ્વવિદ્યાલય- GSV ના કુલપતિ પ્રો. મનોજ ચૌધરીએ જણાવ્યું કે આ પદવીદાન સમારોહમાં વર્ષ 2025ના કુલ 194 વિદ્યાર્થીઓને પદવી એનાયત કરાશે ઉપરાંત, દરેક અભ્યાસક્રમમાંથી એક વિદ્યાર્થીને એકેડેમિક એક્સેલન્સ એવોર્ડ પણ એનાયત કરાશે.ગતિ શક્તિ વિશ્વવિદ્યાલય એ રેલવે મંત્રાલય હેઠળની એક કેન્દ્રીય વિશ્વવિદ્યાલય છે, જેની સ્થાપના 6 ડિસેમ્બર 2022ના રોજ સંસદના એક અધિનિયમ દ્વારા કરવામાં આવી હતી. GSV સમગ્ર પરિવહન અને લોજિસ્ટિક્સ ક્ષેત્રને આવરી લેવા આગળ વધી રહ્યું છે.