કેન્દ્રીય પર્યાવરણ, વન અને આબોહવા પરિવર્તન મંત્રી ભૂપેન્દ્ર યાદવે કહ્યું, કેટલાક રાજકીય પક્ષો, ખાસ કરીને કોંગ્રેસ, અરવલ્લી પર્વતો પર સર્વોચ્ચ અદાલતના ચુકાદા અંગે ખોટી માહિતી ફેલાવી રહ્યા છે. આકાશવાણી સમાચાર સાથેની એક વિશિષ્ટ મુલાકાતમાં, શ્રી યાદવે ઉમેર્યું હતું કે નાગરિકો વિપક્ષ દ્વારા ફેલાવવામાં આવી રહેલા પ્રચારનો શિકાર બનશે નહીં.
મંત્રીએ સ્પષ્ટતા કરી કે સર્વોચ્ચ અદાલતનો ચુકાદો અરવલ્લી ક્ષેત્રમાં ગેરકાયદેસર ખનન પર પ્રતિબંધ મૂકવાનો છે.
અરવલ્લી પર્વતમાળાના મહત્વ પર પ્રકાશ પાડતા, શ્રી યાદવે નોંધ્યું કે આ પ્રદેશ મહત્વપૂર્ણ ખનિજોનો મુખ્ય સ્ત્રોત છે, જે દેશના આર્થિક અને ઔદ્યોગિક વિકાસ માટે જરૂરી છે અને મોદી સરકાર તેના સંરક્ષણ માટે સંપૂર્ણપણે પ્રતિબદ્ધ છે. તેમણે અરવલ્લી ગ્રીન વોલ પહેલ વિશે પણ વાત કરી.