કેન્દ્રીય ગૃહ મંત્રી અમિત શાહે કહ્યું, પ્રધાનમંત્રી નરેન્દ્ર મોદીના નેતૃત્વમાં આસામ અને અન્ય પૂર્વોત્તર રાજ્યોમાં છેલ્લા 11 વર્ષમાં અભૂતપૂર્વ વિકાસ થયો છે. શ્રી શાહે આસામની એક દિવસની મુલાકાત દરમિયાન અનેક પ્રકલ્પોનું ઉદ્ઘાટન કર્યું હતું. બટાદ્રાવા થાન ખાતે પુનઃવિકસિત મહાપુરુષ શ્રીમંત શંકરદેવ અબીર્ભવ ક્ષેત્રનું ઉદ્ઘાટન કર્યા પછી નાગાંવ જિલ્લામાં એક જાહેર રેલીમાં બોલતા શાહે કહ્યું કે, સરકાર આસામ અને વ્યાપક પૂર્વોત્તરમાં શાંતિ સ્થાપિત કરવામાં અને વિકાસને વેગ આપવામાં સફળ રહી છે.
બાદમાં, શાહે ગુવાહાટી પોલીસ કમિશનર ઓફિસની નવી ઇમારત અને શહેરી સુરક્ષાને મજબૂત બનાવવાના હેતુથી એકીકૃત શહેર દેખરેખ પ્રણાલીનું ઉદ્ઘાટન કર્યું. તેમણે ગુવાહાટીમાં 5 હજાર બેઠકો ધરાવતું ઓડિટોરિયમ, જ્યોતિ બિષ્ણુ સાંસ્કૃતિક સંકુલનું પણ ઉદ્ઘાટન કર્યું.