કેન્દ્રીય ગૃહમંત્રી અમિત શાહે દેશભરમાં એક સામાન્ય આતંકવાદ વિરોધી ટુકડી-ATS માળખું બનાવવાનું આહ્વાન કર્યું છે. તેમણે રાજ્યોના પોલીસ મહાનિર્દેશકોને શક્ય તેટલી વહેલી તકે તેનો અમલ કરવા નિર્દેશ આપ્યો અને જણાવ્યું કે દેશભરની પોલીસ માટે એક સામાન્ય ATS માળખું દરેક સ્તરે આતંકવાદી હુમલાઓને રોકવામાં મદદ કરશે.શ્રી શાહે ગઈકાલે નવી દિલ્હીમાં બે દિવસીય રાષ્ટ્રીય તપાસ એજન્સી આતંકવાદ વિરોધી પરિષદ 2025નું ઉદ્ઘાટન કર્યું હતું. આ પ્રસંગે, તેમણે કહ્યું કે NIAએ એક સામાન્ય આતંકવાદ વિરોધી ટુકડી માળખું વિકસાવવા માટે વ્યાપક કાર્ય હાથ ધર્યું છે.ગૃહમંત્રીએ ભવિષ્યના પડકારોનો અસરકારક રીતે સામનો કરવા માટે દેશમાં એક અભેદ્ય અને મજબૂત આતંકવાદ વિરોધી ગ્રીડ બનાવવાની જરૂરિયાત પર ભાર મૂક્યો હતો. શ્રી શાહે ઉમેર્યું કે સરકાર સંગઠિત ગુનાઓને દૂર કરવા માટે એક કાર્ય યોજના અમલમાં મૂકી રહી છે.આ પ્રસંગે, શ્રી શાહે નવ રાષ્ટ્રીય તપાસ એજન્સીના કર્મચારીઓને તેમની ઉત્કૃષ્ટ સેવા અને આતંકવાદ વિરોધી પગલાંમાં યોગદાન બદલ સેવા ચંદ્રક અને શૌર્ય ચંદ્રકથી સન્માનિત કર્યા.