કેન્દ્ર શાસિત પ્રદેશ જમ્મુની મુલાકાત દરમિયાન, ગૃહમંત્રી અમિત શાહે આજે વિક્રમ ચોક અને તાવી પુલ પર પૂરગ્રસ્ત વિસ્તારોનું નિરીક્ષણ કર્યું. તેઓ પૂરગ્રસ્ત વિસ્તારોનું હવાઈ સર્વેક્ષણ પણ કરશે.
આ ઉપરાંત, શ્રી શાહ આજે રાજભવનમાં અધિકારીઓ સાથે બેઠક કરશે. તેમને ઉપરાજ્યપાલ મનોજ સિંહા, ગૃહ મંત્રાલય અને કેન્દ્રશાસિત પ્રદેશ વહીવટીતંત્રના વરિષ્ઠ અધિકારીઓ દ્વારા બચાવ, રાહત અને પુનઃસ્થાપન કાર્યો વિશે માહિતી આપવામાં આવશે.