કેન્દ્રીય ગૃહમંત્રી અમિત શાહે કહ્યું છે કે ભારત આપત્તિ વ્યવસ્થાપનના ક્ષેત્રમાં વૈશ્વિક નેતા બનવાની દિશામાં આગળ વધી રહ્યું છે. આજે નવી દિલ્હીમાં રાજ્યો અને કેન્દ્રશાસિત પ્રદેશોના રાહત કમિશનરો અને આપત્તિ પ્રતિભાવ દળની વાર્ષિક પરિષદને સંબોધતા શ્રી શાહે જણાવ્યું હતું કે, ભારતે પૂર્વ ચેતવણી પ્રણાલીઓના વિકાસમાં નોંધપાત્ર સફળતા મેળવી છે.
તેમણે જણાવ્યું હતું કે, સચોટ આગાહી અને વહેલી ચેતવણીઓ આપીને, સમાજને જાગૃત કરવામાં આવ્યો છે અને રાહત અને બચાવ કામગીરીમાં સફળતાપૂર્વક જોડવામાં આવ્યો છે. મંત્રીએ કહ્યું કે, જ્યારે પણ ભારતની આપત્તિ પ્રતિક્રિયાનો ઇતિહાસ લખવામાં આવશે, ત્યારે મોદી સરકારના આ દસ વર્ષ પરિવર્તનકારી દાયકા તરીકે નોંધવામાં આવશે.