કેન્દ્રીય કૃષિ અને ખેડૂત કલ્યાણ મંત્રી શિવરાજ સિંહ ચૌહાણે આજે જણાવ્યું છે કે સરકાર દેશના ખેડૂતોના હિતના ભોગે કોઈ પણ સોદો કરશે નહીં.
શ્રી ચૌહાણ પીએમ કિસાન સન્માન નિધિ હેઠળ નાણાકીય સહાયના ડીબીટી ટ્રાન્સફર પ્રસંગે પટના ખાતે રાજ્ય સ્તરના કાર્યક્રમને સંબોધિત કરી રહ્યા હતા.
તેમણે કહ્યું કે મોદી સરકાર માટે ખેડૂતોનું હિત સર્વોચ્ચ પ્રાથમિકતા છે. અને એનડીએ સરકાર ખેડૂતોને તેમના ઉત્પાદનના મુશ્કેલી વેચાણ સામે રક્ષણ આપવા માટે પ્રતિબદ્ધ છે.
કેન્દ્રીય મંત્રીએ કહ્યું કે ઉત્પાદકતા વધારવા માટે, કેન્દ્ર પોષાય તેવી લોન, ખાતર, સારી ગુણવત્તાવાળા બીજ અને જંતુનાશકો જેવી તમામ પ્રકારની મદદ પૂરી પાડી રહ્યું છે.
તેમણે એમ પણ કહ્યું કે ખેડૂતોને ટેકો આપવા માટે 25 લાખ કરોડ રૂપિયાની સંસ્થાકીય લોન અને સસ્તા વ્યાજ દરના કિશાન ક્રેડિટ કાર્ડ આપવામાં આવી રહ્યા છે. શ્રી ચૌહાણે બિહારના ખેડૂતોની તેમની નવીન કૃષિ કુશળતા અને સખત મહેનત બદલ પ્રશંસા કરી.