કેન્દ્રિય ખેલ અને યુવા મંત્રી ડો. મનસુખ માંડવિયાએ આજે અમદાવાદના સાબરમતી રિવરફ્રન્ટ ખાતે સન્ડે ઓન સાયકલ અંતર્ગત તબીબો સાથે સાયકલ ચલાવી ફિટ ઈન્ડિયાનું ઉદાહરણ પુરૂ પાડ્યું. આ સાથે જ અનેક લોકો પણ આ કાર્યક્રમમાં સહભાગી થયા હતા. શ્રી માંડવિયાએ જણાવ્યું હતું કે સન્ડે ઓન સાયકલ એ આખા દેશમાં એક કલ્ચર બની ગયું છે. આજે 5 હજારથી વધારે જગ્યા પર આ કાર્યક્રમનુ આયોજન થઈ રહ્યું છે.
આ સાથે જ આજે શ્રી માંડવિયા નવી દિલ્હીના જવાહરલાલ નહેરુ સ્ટેડિયમ ખાતે ફિટ ઇન્ડિયા કાર્યક્રમનું ઉદ્ઘાટન કરશે. ત્રણ દિવસીય ફિટનેસ અને વેલનેસ કાર્યક્રમનો ઉદ્દેશ્ય વધુ સ્વસ્થ અને સક્રિય જીવનશૈલીને પ્રોત્સાહન આપવાનો છે. આ કાર્યક્રમ દરમિયાન, દોરડા કૂદવા, ક્રિકેટ બોલિંગ, સ્થિર સાયકલિંગ અને પંજા લડાઈ જેવી રમતોનું આયોજન કરવામાં આવશે.
પ્રધાનમંત્રી દ્વારા મેદસ્વિતા દૂર કરવાના આહ્વાનને વધુ બળ આપવા માટે આ પણ કાર્યક્રમ વધુ અસરકારક સાબિત થઇ રહ્યો છે.