ખેલો ઇન્ડિયા અંતર્ગત સૌપ્રથમ વાર યોજાઈ રહેલા ખેલો ઇન્ડિયા બીચ ગેમ્સનો આજે કેન્દ્રશાસિત પ્રદેશ દીવના ઘોઘલા બીચ ખાતે પ્રારંભ થયો. કેન્દ્રીય રમતગમત મંત્રી ડૉક્ટર મનસુખ માંડવિયાના હસ્તે આજે દીવમાં આ રમતોનું ઉદ્ઘાટન કરાયું.
શનિવાર સુધી રમાનારી આ છ દિવસની સ્પર્ધામાં દેશભરમાંથી એક હજારથી વધુ રમતવીરો ભાગ લેશે. તેમાં બીચ સૉકર, બીચ વૉલીબૉલ, બીચ કબડ્ડી, બીચ સેપક ટકરાવ, પેનકેક સિલાટ અને ઑપન વૉટર સ્વિમિંગ જેવી છ મૅડલ ઇવેન્ટ્સમાં સ્પર્ધાઓ યોજાશે. ઉપરાંત આ સ્પર્ધામાં બે અન્ય પ્રદર્શન રમત પણ બતાવવામાં આવશે.