કેનેડા સરકારે તેના સ્ટુડન્ટ ડાયરેક્ટ સ્ટ્રીમ-SDS વિઝા પ્રોગ્રામને બંધ કરવાની જાહેરાત કરી છે. SDS એ અભ્યાસ માટે પરમિટ મેળવવા માંગતા આંતરરાષ્ટ્રીય વિદ્યાર્થીઓ માટે મુખ્ય માર્ગ છે.
સત્તાવાર વેબસાઇટ પર, કેનેડા સરકારે જણાવ્યું હતું કે તમામ દેશોના વિદ્યાર્થીઓ માટે આ કાર્યક્રમ બંધ કરવામાં આવશે. કેનેડા સરકારના આ પગલાથી ભારતીય વિદ્યાર્થીઓ સહિત આંતરરાષ્ટ્રીય વિદ્યાર્થીઓને અસર થવાની ધારણા છે, એક અનુમાન મુજબ દેશમાં ચાલી રહેલી આવાસ અને સંસાધનોની અછતને પહોંચી વળવાના પ્રયાસોના ભાગરૂપે આ નિર્ણય લેવામાં આવ્યો છે.
SDS પ્રોગ્રામ 2018 માં ઇમિગ્રેશન, રેફ્યુજીસ અને સિટીઝનશિપ કેનેડા દ્વારા શરૂ કરવામાં આવ્યો હતો. તે 14 દેશોના વિદ્યાર્થીઓ માટે અભ્યાસ પરમિટની અરજીઓને ઝડપી-ટ્રેક કરવા માટે બનાવવામાં આવ્યો હતો. આ દેશોમાં બ્રાઝિલ, ચીન, કોલંબિયા, કોસ્ટા રિકા, ભારત, મોરોક્કો, પાકિસ્તાન, પેરુ, ફિલિપાઇન્સ અને વિયેતનામનો સમાવેશ થાય છે. આ પ્રોગ્રામ હેઠળ અરજી પ્રક્રિયા ઝડપી હતી, જેનાથી કેનેડિયન શૈક્ષણિક સંસ્થાઓમાં ઝડપી પ્રવેશનો માર્ગ મોકળો થયો હતો.