એક રાષ્ટ્ર એક ચૂંટણી સંબંધિત બે બિલ સંસદની સંયુક્ત સમિતિને મોકલવામાં આવ્યા છે.
આ સમિતિમાં લોકસભામાંથી 27 અને રાજ્યસભામાંથી 12 સભ્યો છે. આજે સવારે ગૃહની બેઠક મળી ત્યારે કાયદામંત્રી અર્જુન રામ મેઘવાલે બંધારણ ખરડો, 2024 અને કેન્દ્રશાસિત પ્રદેશ કાયદા (સુધારો) 2024 સંસદની સંયુક્ત સમિતિને મોકલવાની દરખાસ્ત રજૂ કરી હતી.
સમિતિ આગામી સંસદ સત્રના છેલ્લા સપ્તાહના પ્રથમ દિવસે ગૃહમાં પોતાનો અહેવાલ સુપરત કરશે. આ પેનલમાં ભાજપના નેતાઓ પીપી ચૌધરી, અનુરાગ સિંહ ઠાકુર અને પરષોત્તમ રૂપાલા, કોંગ્રેસના નેતાઓ પ્રિયંકા ગાંધી અને મનીષ તિવારી, ટીએમસીના કલ્યાણ બેનર્જી, એનસીપી (એસપી)ના સુપ્રિયા સુલે સહિત લોકસભાના અન્ય સભ્યોનો સમાવેશ થાય છે.