ઉપરાષ્ટ્રપતિ સી.પી. રાધાકૃષ્ણને કહ્યું છે કે, વિકસિત ભારતનું સ્વપ્ન ત્યારે જ સાકાર થઈ શકે છે જ્યારે દેશના યુવાનો નશામુક્ત, સ્વસ્થ અને પોતાના લક્ષ્યો પ્રત્યે સમર્પિત હશે.
ઉપરાષ્ટ્રપતિએ આજે દિલ્હી યુનિવર્સિટીના માદક પદાર્થ મુક્ત કેમ્પસ અભિયાનને સંબોધિત કરતાં આ મુજબ જણાવ્યું હતું. તેમણે કહ્યું કે માદક પદાર્થનું સેવન કરવું એક સામાજિક પડકાર, જાહેર આરોગ્ય ચિંતા અને દેશના વસ્તી વિષયક લાભ માટે ખતરો છે.
શ્રી રાધાકૃષ્ણને કહ્યું કે આ સમયે દરેક વ્યક્તિ માટે માદક દ્રવ્યોથી દૂર રહેવું અત્યંત મહત્વપૂર્ણ છે. તેમણે માદક દ્રવ્યનો દુરુપયોગ સામે અવાજ ઉઠાવવાની અને તેના ઉપયોગ વિશે જાગૃતિ ફેલાવવાની જરૂરિયાત પર પણ ભાર મૂક્યો.