ભારતીય હવામાન વિભાગે આજે ઉત્તર બિહાર, ઉપ-હિમાલયી પશ્ચિમ બંગાળ અને સિક્કિમમાં ભારે વરસાદની આગાહી કરી છે. IMD મુજબ, આજે અરુણાચલ પ્રદેશ, આસામ અને મેઘાલય સહિત સમગ્ર સપ્તાહ દરમિયાન ઉત્તર પૂર્વ ભારતમાં છૂટાછવાયા ભારે વરસાદની આગાહી છે. આ સ્થિતિ આવતીકાલે તમિલનાડુ, કેરળ અને માહેના કેટલાક ભાગોમાં પણ ચાલુ રહેશે.આ દરમિયાન, દેશના ઉત્તર ભાગમાં, જમ્મુ અને કાશ્મીર, લદ્દાખ, પશ્ચિમ રાજસ્થાન, હિમાચલ પ્રદેશ અને પંજાબમાં આવતીકાલ સુધી ભારે વરસાદ થવાની સંભાવના છે. IMD એ આજે દિલ્હી-NCR પર 50 કિલોમીટર પ્રતિ કલાકની ઝડપે પવન સાથે વાવાઝોડાની આગાહી કરી છે.