ઉત્તરાખંડ સરકારે ચાર ધામ અને હેમકુંડ સાહિબ યાત્રા માટે નોંધણી કરાવનારા 77 પાકિસ્તાની નાગરિકોની નોંધણી રદ કરી છે. આ નિર્ણય તાત્કાલિક અસરથી લાગુ કરવામાં આવ્યો છે. રાજ્યના પર્યટન અને સંસ્કૃતિ મંત્રી સતપાલ મહારાજે આ જાહેરાત કરી હતી.
શ્રી સતપાલ મહારાજે સરકારના વલણને સ્પષ્ટ કર્યું અને કહ્યું કે પર્યટન અને આતંકવાદ એકસાથે ચાલી શકે નહીં. તેમણે બધા ભક્તો માટે સલામત અને આધ્યાત્મિક રીતે સંતોષકારક અનુભવ સુનિશ્ચિત કરવા માટે રાજ્યની પ્રતિબદ્ધતાનો પુનરોચ્ચાર કર્યો.
શ્રી મહારાજે એમ પણ જણાવ્યું હતું કે ચાર ધામ યાત્રાની તૈયારીઓ પૂર્ણ થઈ ગઈ છે. અત્યાર સુધીમાં, 22 લાખથી વધુ શ્રદ્ધાળુઓએ ઓનલાઈન નોંધણી કરાવી છે, જેમાં 185 દેશોના 25 હજારથી વધુ આંતરરાષ્ટ્રીય શ્રદ્ધાળુઓનો સમાવેશ થાય છે.
યાત્રાધામોમાં સરળ કામગીરી સુનિશ્ચિત કરવા માટે, સરકારે હેલિકોપ્ટર ટિકિટના કાળાબજાર અને અનધિકૃત રીતે પાર્કિંગ ફી વસૂલવાથી બચવા માટે કડક સૂચનાઓ જાહેર કરી છે.
આ યાત્રા માટે ઓફલાઇન નોંધણી આવતીકાલથી શરૂ થશે. યાત્રાળુઓને મદદ કરવા માટે હરિદ્વાર, ઋષિકેશ, વિકાસનગર અને હર્બર્ટપુર ખાતે સમર્પિત કેન્દ્રો સ્થાપવામાં આવ્યા છે.