આજે સવારે ઉત્તરાખંડમાં કેદારનાથ મંદિર પાસે હેલિકોપ્ટર દુર્ઘટનાગ્રસ્ત થવાની ઘટનાની તપાસ વિમાન અકસ્માત તપાસ સંસ્થા-AAIB કરશે, આ ઘટનામાં સાત લોકોના મોત થયા હતા. ઉત્તરાખંડના મુખ્યમંત્રી પુષ્કર સિંહ ધામીએ આજે ઉચ્ચ સ્તરીય બેઠક યોજી હતી. હેલિકોપ્ટર કેદારનાથથી ગુપ્તકાશી જઈ રહ્યું હતું, જેમાં છ મુસાફરો અને એક ચાલક દળનો સભ્ય સવાર હતા. નાગરિક ઉડ્ડયન મહાનિર્દેશાલયે જણાવ્યું હતું કે, હેલિકોપ્ટર આજે સવારે 5:19 વાગ્યે શ્રી કેદારનાથજીથી ગુપ્તકાશી માટે ઉડાન ભરી હતી અને ગૌરીકુંડ નજીક દુર્ઘટનાગ્રસ્ત થયું હતું. સાવચેતીના પગલા તરીકે, DGCA એ ચાર ધામ સુધી હેલિકોપ્ટર ઓપરેશનની આવર્તન પહેલાથી જ ઘટાડી દીધી છે. તે વધુ દેખરેખ રાખી રહ્યું છે અને આગળની કોઈપણ કાર્યવાહી માટે ઓપરેશનની સમીક્ષા કરી રહ્યું છે.