આજે નવી દિલ્હીમાં યોજાનાર ઈન્ડિયા ઓપન બેડમિન્ટન ટુર્નામેન્ટના પુરુષ સિંગલ્સની ક્વાર્ટર ફાઇનલમાં ભારતીય બેડમિન્ટન ખેલાડી લક્ષ્ય સેનનો મુકાબલો ચાઈનીઝ તાઈપેઈના લિન ચુન-યી સામે થશે.અગાઉ, રાઉન્ડ ઓફ ૧૬ મેચમાં લક્ષ્ય સેને જાપાનના કેન્ટા નિશિમોટોને સીધી ગેમમાં ૨૧-૧૯, ૨૧-૧૦થી હરાવીને ક્વાર્ટર ફાઇનલમાં પ્રવેશ કર્યો હતો. સેને સિંગલ્સમાં એક માત્ર ભારતીય ખેલાડી છે જે ક્વાર્ટર ફાઇનલ સુધી પહોંચયો છે.