આસામમાં વિધાનસભાની પાંચ બેઠકોની પેટાચૂંટણી માટે ઉમેદવારી પત્રોની ચકાસણી ચાલી રહી છે. 13મી નવેમ્બરે યોજાનારી ધોલાઈ, સમગુરી, બેહાલી, સિદલી અને બોંગાઈગાંવ બેઠકોની પેટાચૂંટણી માટે 38 ઉમેદવારોએ ઉમેદવારી પત્રો ભર્યા છે. અમારા સંવાદદાતાના જણાવ્યા પ્રમાણે શાસક ભાજપે ત્રણ બેઠકો પર ઉમેદવારી નોંધાવી છે જ્યારે યુપીપીએલ અને આસોમ ગણ પરિષદે એક-એક બેઠક પર ઉમેદવારી નોંધાવી છે. વિપક્ષ કોંગ્રેસે તમામ પાંચ બેઠકો પર ઉમેદવારો ઉભા રાખ્યા છે. આપે બે અને બોડોલેન્ડ પીપલ્સ ફ્રન્ટે એક બેઠક માટે ઉમેદવારી નોંધાવી છે.