આરોગ્ય અને પરિવાર કલ્યાણ મંત્રાલયે રાજ્યો અને કેન્દ્રશાસિત પ્રદેશોને મંકીપૉક્સ બીમારી અંગે જાગૃતિ વધારતી પ્રવૃત્તિઓ યોજવા જણાવ્યું છે. એક પરામર્શમાં મંત્રાલયે રાજ્યોને વ્યૂહાત્મક દેખરેખ યથાવત્ રાખવાનો અનુરોધ કર્યો છે. મંકીપૉક્સની તપાસ માટે સંચાલિત પ્રયોગશાળાઓની યાદી પણ આપવામાં આવી છે.
મંત્રાલયે જાહેર આરોગ્ય તૈયારીઓનું મૂલ્યાંકન કરવાનો નિર્દેશ આપ્યો છે, જેની સમીક્ષા રાજ્ય અને જિલ્લા બંને સ્તર પર વરિષ્ઠ અધિકારીઓ દ્વારા કરાશે. મંત્રાલયે શંકાસ્પદ અને પુષ્ટિ થનારા કેસ માટે હૉસ્પિટલમાં આઇસોલેશનની સુવિધાની વ્યવસ્થા કરવા પણ જણાવ્યું છે.