આયૂષ મંત્રાલય આવતીકાલે નવી દિલ્હીમાં ‘એક પૃથ્વી, એક સ્વાસ્થ્ય માટે યોગ પરઆધારિત હાઈબ્રિડ વૈશ્વિક શિખર સંમેલનનું આયોજન કરશે. આ સંમેલન 11-મા આંતર-રાષ્ટ્રીય યોગ દિવસ માટે એક મુખ્ય કાર્યક્રમ તરીકે યોજવામાં આવી રહ્યું છે. આ કાર્યક્રમમાં એક લાખથી વધુ સહભાગીઓ ઉપસ્થિત રહેશે, જેમાં વિશ્વભરની અગ્રણી આંતર-રાષ્ટ્રીય યોગ સંસ્થાઓ અને આરોગ્ય સમુદાયના સહભાગીઓ પણ વર્ચ્યૂઅલ રીતે ભાગ લેશે. સંમેલનમાં બહેરીન, અમેરિકા, બ્રિટનઅને દક્ષિણ કૉરિયા સહિત ચારથી વધુ દેશના નિષ્ણાત ભાગ લેશે.આ પરિષદ દરમિયાન આંતરરાષ્ટ્રીય યોગ દિવસ-યોગ પ્રભાવનો એક દાયકા લાંબો પ્રભાવ અભ્યાસ અહેવાલ બહાર પાડવામાં આવશે. યોગની દશકીય અસર પર ઈ-પુસ્તક અને યોગ સંશોધનના વૈજ્ઞાનિક વિશ્લેષણ પર અહેવાલનું પણ અનાવરણ કરાશે. આ સંમેલનમાં વિવિધ વિષયના સત્ર યોજાશે. તેમાં બિન-ચેપી રોગના નિવારણ માટે યોગ, સામાન્ય યોગ પ્રૉટોકોલ પર અભ્યાસ અને આંતર-રાષ્ટ્રીય યોગ દિવસની અસરનું મૂલ્યાંકન, યોગ-ટેકઃ ઇનોવેટર્સ પ્રેઝન્ટેશન અને બધા માટે યોગની કલ્પના જેવી વિષય વસ્તુઓનો સમાવેશ થશે.