ભારતીય હવામાન વિભાગે આજે પશ્ચિમ બંગાળના પર્વતીય વિસ્તારો, સિક્કિમ, ગોવા અને મહારાષ્ટ્રમાં અનેક સ્થળે ગાજવીજ સાથે સામાન્યથી મધ્યમ વરસાદની આગાહી કરી છે. અરૂણાચલ પ્રદેશ, આસામ અને મેઘાલયમાં પણ આવું જ વાતાવરણ રહેવાની શક્યતા છે.
ઉપરાંત આગામી બે દિવસ ઉત્તર-પશ્ચિમથી અડીને આવેલા મધ્ય ભારતમાં મહત્તમ તાપમાનમાં બેથી પાંચ ડિગ્રી સેલ્સિયસનો ઘટાડો થવાની પણ આગાહી છે. દરમિયાન રાજસ્થાનમાં પૂરઝડપે પવન ફૂંકાવવાની શક્યતા હોવાનું હવામાન વિભાગનાં વૈજ્ઞાનિક સોમા સેને જણાવ્યું હતું.