આજે દેશભરમાં રાષ્ટ્રીય રસીકરણ દિવસ ઉજવવામાં આવી રહ્યો છે. રસીકરણના મહત્વ વિશે જાગૃતિ લાવવા માટે દર વર્ષે 16 માર્ચે આ દિવસ ઉજવવામાં આવે છે. આરોગ્ય મંત્રાલયે એક સોશિયલ મીડિયા પોસ્ટમાં જણાવ્યું હતું કે રાષ્ટ્રના દરેક બાળકને સુરક્ષિત રાખવાના ધ્યેયને પ્રાપ્ત કરવા માટે રસીકરણ એક મુખ્ય પરિબળ છે. તેમાં કહેવામાં આવ્યું છે કે મંત્રાલય, રાજ્ય સરકારો અને સમર્પિત ફ્રન્ટલાઈન આરોગ્ય કાર્યકરો સાથે મળીને બાળકોની રોગપ્રતિકારક શક્તિ વધારવા માટે પ્રતિબદ્ધ છે.
મિશન ઇન્દ્રધનુષ 2014 માં સંપૂર્ણ રસીકરણ કવરેજને ઝડપથી વધારવા માટે શરૂ કરવામાં આવ્યું હતું. તેનો ઉદ્દેશ બાળ મૃત્યુદર ઘટાડવાનો અને બાળકો માટે સંપૂર્ણ રસીકરણ કવરેજની પ્રક્રિયાને ઝડપી બનાવવાનો છે. મિશન ઇન્દ્રધનુષનો ઉદ્દેશ્ય એ સુનિશ્ચિત કરવાનો છે કે 2 વર્ષથી ઓછી ઉંમરના તમામ બાળકો અને સગર્ભા સ્ત્રીઓને બધી ઉપલબ્ધ રસીઓ સાથે સંપૂર્ણ રસીકરણ મળે.