નવ મહિના કરતાં પણ વધુ સમયથી અવકાશમાં અટવાયેલાં બે અમેરિકન અવકાશયાત્રીઓ આવતી કાલે રાત્રે પૃથ્વી પર પરત ફરશે.
એક નિવેદનમાં અમેરિકન અવકાશ સંસ્થા નાસાએ જણાવ્યું છે કે, સુનિતા વિલિયમ્સ અને બુચ વિલ્મોર ઉપરાંત અમેરિકન તથા રશિયન અવકાશયાત્રી સ્પેસ એક્સનાં ક્રુ ડ્રેગન યાનમાં પરત ફરશે. સુનિતા વિલિયમ્સ અને બુચ વિલ્મોર જૂન, 2024થી આંતરરાષ્ટ્રીય અવકાશ મથકમાં ફસાયેલા છે. તેઓ બોઇંગ સ્ટારલાઇનર અવકાશયાનની પરિક્ષણ ઉડાન પર ગયા હતા, જેમાં પ્રપલ્ઝન સંબંધિત ખામી સર્જાવાથી તેઓ પૃથ્વી પર પરત આવી શક્યા નહતા.