અમેરિકાના પ્રમુખ ડોનાલ્ડ ટ્રમ્પે ‘ગોલ્ડન ફ્લીટ’ના તેમના વિઝનના ભાગ રૂપે, અમેરિકન નેવી માટે નવું વિશાળકાય, યુદ્ધ જહાજ નિર્માણની યોજના જાહેર કરી છે.ટ્રમ્પે દાવો કર્યો હતો કે આ જહાજ અત્યાર સુધી બનેલા કોઈપણ યુદ્ધ જહાજ કરતાં ઝડપી, મોટું અને ઘણું શક્તિશાળી હશે. તેમણે કહ્યું કે તે બીજા વિશ્વયુદ્ધના યુગના આયોવા-ક્લાસ યુદ્ધ જહાજો કરતાં મોટું હશે અને હાઇપર સોનિક મિસાઇલો, રેલ ગન અને લેસર શસ્ત્રોથી સજ્જ હશે.