સંરક્ષણ મંત્રી રાજનાથ સિંહ આજે સાંજે નવી દિલ્હીમાં એક કાર્યક્રમમાં રાષ્ટ્રપતિ દ્રૌપદી મુર્મુના ભાષણો પર આધારિત પુસ્તક “વિંગ્સ ટુ અવર હોપ્સ – વોલ્યુમ 2″નું વિમોચન કરશે. રાષ્ટ્રપતિના કાર્યકાળના બીજા વર્ષ દરમિયાનના તેમના દ્રષ્ટિકોણ, ફિલસૂફી અને પ્રાથમિકતાઓની ઝાંખી કરાવતા આ પુસ્તકમાં 51 સંબોધનોને આવરી લેવાયા છે.
માહિતી અને પ્રસારણ પ્રધાન અશ્વિની વૈષ્ણવ અને રાજ્યમંત્રી ડૉ. એલ. મુરુગન પણ આ કાર્યક્રમમાં હાજરી આપશે.
આ ગ્રંથ હિન્દી અને અંગ્રેજી બંને ભાષામાં પ્રકાશિત થશે, સાથે જ તેનું ઈ-વર્ઝન પણ રજૂ કરવામાં આવશે. રાષ્ટ્રપતિ ભવન દ્વારા સંકલિત અને પ્રકાશન વિભાગ દ્વારા પ્રકાશિત, આ પુસ્તક શાસન, સમાવેશીતા અને રાષ્ટ્રીય આકાંક્ષાઓ પરના પ્રવચન પર આધારિત છે.